മേപ്പാടി: മണ്ണിടിച്ചിലുണ്ടായ വയനാട് കള്ളാടിയിലെ ദുരന്തബാധിത പ്രദേശം മുഖ്യമന്ത്രി വി.ഡി. സതീശൻ സന്ദർശിച്ചു. മന്ത്രിമാരായ എ.പി. അനിൽകുമാർ, ടി. സിദ്ദിഖ് എന്നിവരും ഒപ്പമുണ്ടായിരുന്നു. ദുരിതാശ്വാസ ക്യാമ്പിലുള്ളവരെയും ആശുപത്രിയിൽ ചികിത്സയിലുള്ളവരെയും മുഖ്യമന്ത്രി സന്ദർശിച്ചു.
കള്ളാടിയിലെ ദുരന്തബാധിതപ്രദേശവും ദുരിതാശ്വാസ ക്യാമ്പും സന്ദർശിച്ച ശേഷമാണ് മൂപ്പൻസ് മെഡിക്കൽ കോളേജിൽ ചികിത്സയിൽ കഴിയുന്നവരെ സന്ദർശിക്കാൻ മുഖ്യമന്ത്രി എത്തിയത്. കല്പറ്റയിലെ കളക്ട്രേറ്റിൽവെച്ച് അവലോകനയോഗം ചേരും. ഇതിനുശേഷം മുഖ്യമന്ത്രി മാധ്യമങ്ങളെ കാണുമെന്നാണ് വിവരം.ഏഴുപേരാണ് നിലവിൽ മൂപ്പൻസ് മെഡിക്കൽ കോളേജിൽ ചികിത്സയിലുള്ളത്. ഇതിൽ രണ്ടുപേരുടെ നില അതീവഗുരുതരമാണ്. അഞ്ചുപേരെ വാർഡിലേക്ക് മാറ്റിയിട്ടുണ്ട്.
