പയ്യോളി: പോഷൻ മാഹ് 2023 മേലടി ബ്ലോക്ക്‌ പഞ്ചായത്തും ഐ സി ഡി എസ് മേലടി പ്രൊജക്റ്റും സംയുക്തമായി പോഷൻ അഭിയാൻ – പരിപാടിയുടെ ഭാഗമായി പോഷകാഹാര പാചകമത്സരവും എക്സിബിഷനും സംഘടിപ്പിച്ചു. മേലടി ബ്ലോക്ക്‌ പഞ്ചായത്ത് ഹാളിൽ നടന്ന പരിപാടി ബ്ലോക്ക്‌ പഞ്ചായത്ത് പ്രസിഡന്റ്‌ സുരേഷ് ചങ്ങാടത്ത് ഉദ്ഘാടനം ചെയ്തു. ബ്ലോക്ക്‌ വൈസ് പ്രസിഡന്റ്‌ പ്രസന്ന അധ്യക്ഷം വഹിച്ചു. സിഡിപിഒ പി ടി രാജശ്രീ സ്വാഗതവും ഐസിഡിഎസ് സൂപ്പർവൈസർ സി. കെ. ശബ്നം നന്ദിയും പറഞ്ഞു. ബ്ലോക്ക്‌ പഞ്ചായത്ത് സ്റ്റാൻഡിങ് കമ്മിറ്റി ചെയർമാൻമാർ, ബ്ലോക്ക്‌ മെമ്പർമാർ, ബ്ലോക്ക്‌ സെക്രട്ടറി ജോബി സാലസ്, ഐസിഡിഎസ് ജീവനക്കാർ, അങ്കണവാടി ജീവനക്കാർ എന്നിവർ പരിപാടിയിൽ പങ്കെടുത്തു. മേലടി ഐസിഡിഎസ്നു കീഴിലെ 130 അങ്കണവാടികൾ പങ്കെടുത്ത പോഷകാഹാര പാചകമത്സരം ജെ എച്ച് ഐ പ്രകാശൻ, ഷെഫ്. അബ്ദുൾ സക്കീർ എന്നിവർ വിധിനിർണയം നടത്തി. വിജയികൾക്ക് ബ്ലോക്ക്‌ പ്രസിഡന്റ്‌ സമ്മാനവിതരണം നടത്തി.
