പയ്യോളി ബസാർ: കേരള വ്യാപാരി വ്യവസായി ഏകോപന സമിതി പയ്യോളി ബസാർ യൂണിറ്റ് ദ്വൈവാർഷിക സമ്മേളനവും 2024-26 വർഷത്തെ ഭരണ സമിതി തിരഞ്ഞെടുപ്പും വീനസ് ഓഡിറ്റോറിയത്തിൻ നടന്നു. ജില്ലാ സെക്രട്ടറി ബാബു കൈലാസ് ഉദ്ഘാടനം ചെയ്തു. ടി.എം ബാലൻ, വി .എം കുഞ്ഞബ്ദുള്ള, അഹമ്മദ് കോയ, ഷെരീഫ് ചീക്കിലോട് തുടങ്ങിയവർ സംസാരിച്ചു.
ഭരണ സമിതി തെരഞ്ഞെടുപ്പിൽ യൂണിറ്റ് പ്രസിഡണ്ടായി കെ.ടി മുഹമ്മദിനെ എതിരില്ലാതെ തെരഞ്ഞെടുത്തു. ജനറൽ സെക്രട്ടറിയായി ബിജു കെ.കെയും ഖജാൻജിയായി പി.ടി ഇബ്രാഹിമിനെയും പ്രസിഡണ്ട് നോമിനേറ്റ് ചെയ്തു. മറ്റ് ഭാരവാഹികൾ പി.ടി രാമകൃഷ്ണൻ, അബ്ദുൾ റഹിമാൻ, ഗിരീഷ് പൊയ്കയിൽ എന്നിവരെയും തെരഞ്ഞെടുത്തു.
