ബജറ്റ്-ഫ്രണ്ട്‌ലി മൊബൈല്‍ തിരയുന്നവര്‍ക്ക് മികച്ച ഓപ്ഷന്‍ വച്ചുനീട്ടിയിരിക്കുകയാണ് Vivo T4x 5G ഫോണിലൂടെ കമ്പനി. പുതിയ ഡിസൈനില്‍ എത്തിയിരിക്കുന്ന വിവോ ടി4എക്സ് 5ജി സ്മാര്‍ട്ട്‌ഫോണിന് മിലിട്ടറി നിലവാരത്തിലുള്ള ഷോക്ക് റെസിസ്റ്റന്‍സുണ്ട്. ജലം, പൊടി എന്നിവയില്‍ നിന്നുള്ള സുരക്ഷയ്ക്ക് ഐപി64 റേറ്റിംഗാണ് ഫോണിന് ലഭിച്ചത്. ഫണ്‍ടച്ച് ഒഎസ് 15 അടിസ്ഥാനത്തില്‍ ആന്‍ഡ്രോയ് 15ല്‍ പ്രവര്‍ത്തിക്കുന്ന വിവോ ടി4എക്സ് 5ജി, മീഡിയടെക് ഡൈമന്‍സിറ്റി 7300 പ്രൊസസര്‍ കരുത്തിലാണ് വരുന്നത്. ടി4എക്സ് 5ജി സ്മാര്‍ട്ട്ഫോണ്‍ 8 ജിബി വരെ റാമും 256 ജിബി വരെ സ്റ്റോറേജും നല്‍കുന്നു. 6.72 ഇഞ്ച് ഫുള്‍ എച്ച്‌ഡി+ ഡിസ്പ്ലെ 120Hz റിഫ്രഷ് റേറ്റും 1050 നിറ്റ്സ് പീക്ക് ബ്രൈറ്റ്‌നസും നല്‍കുന്നു.ഫോട്ടോഗ്രാഫിക്കായി 50 എംപി എ പ്രധാന ക്യാമറയും 2 എംപി ഡെപ്‌ത് സെന്‍സറുമാണ് റീയര്‍ ക്യാമറ മൊഡ്യൂളിലുള്ളത്. 8 മെഗാപിക്‌സലിന്‍റെതാണ് സെല്‍ഫി ക്യാമറ. എഐ ഇറേസ്, എഐ ഫോട്ടോ എന്‍ഹാന്‍സ്, എഐ ഡോക്യുമെന്‍റ് മോഡ്, പ്രത്യേക നൈറ്റ് മോഡ് എന്നീ എഐ റീച്ചറുകള്‍ വിവോ ടി4എക്സ് 5ജി ഹാന്‍ഡ്‌സെറ്റില്‍ ലഭ്യം. ലൈവ് ടെക്സ്റ്റ്, സര്‍ക്കിള്‍ ടു സെര്‍ച്ച്, എഐ സ്ക്രീന്‍ ട്രാന്‍സ്‌ലേഷന്‍ തുടങ്ങിയ നവീന ഫീച്ചറുകളും നല്‍കുന്നു. 44 വാട്സ് ഫാസ്റ്റ് ചാര്‍ജിംഗ് പിന്തുണയ്ക്കുന്നതാണ് 6,500 എംഎഎച്ച് ബാറ്ററി. 40 മിനിറ്റ് കൊണ്ട് ഈ ബാറ്ററി 50 ശതമാനം ചാര്‍ജാവും എന്നാണ് വിവോയുടെ അവകാശവാദം. വിവോ ഈ ഫോണിന് വിവോ രണ്ട് വര്‍ഷത്തെ ആന്‍ഡ്രോയ്ഡ് അപ്‌ഡേറ്റും മൂന്ന് വര്‍ഷത്തേക്ക് സെക്യൂരിറ്റി അപ്‌ഡേറ്റുകളും വാഗ്ദാനം ചെയ്യുന്നു.

രണ്ട് കളര്‍ വേരിയന്‍റുകളില്‍ എത്തുന്ന Vivo T4x 5G-യുടെ ഇന്ത്യയിലെ വില പരിശോധിക്കാം. 6GB + 128GB ബേസ് മോഡലിന് 13,999 രൂപയാണ് വില. 8GB + 128GB, 8GB + 256GB വേരിയന്‍റുകള്‍ക്ക് യഥാക്രമം 14999 രൂപ, 16999 രൂപ എന്നിങ്ങനെ വിലയാകും. മാര്‍ച്ച് 12ന് ഫ്ലീപ്‌കാര്‍ട്ട്, വിവോ ഇന്ത്യ ഇ-സ്റ്റോര്‍, മറ്റ് റീടെയ്‌ല്‍ സ്റ്റോര്‍ പാര്‍ട്‌ണര്‍മാര്‍ എന്നിവ വഴി വിവോ ടി4എക്സ് 5ജി-യുടെ വില്‍പന ഇന്ത്യയില്‍ ആരംഭിക്കും.