കൊയിലാണ്ടി: കൊയിലാണ്ടി സബ്ബ് ജയിലിൽ നിന്നും ജയിൽ ചാടിയ പ്രതി വൈകീട്ടോടെ പിടിയിൽ. ബാലുശ്ശേരി പോലീസ് 27 ന് അറസ്റ്റ് ചെയ്ത് പേരാമ്പ്ര കോടതി കൊയിലാണ്ടി ജയിലിലേക്ക് അയച്ച കളവ് കേസ് പ്രതി അനസ് (24) ഇന്നലെ രാവിലെ ജയിൽ മതിൽ ചാടി കടന്ന് പോവുകയായിരുന്നു. രാവിലെ 8 മണിയോടെയായിരുന്നു സംഭവം.
പൂനൂർ പുഴയ്ക്ക് സമീപം കമ്പി മോഷണ കേസിലെ പ്രതിയാണ്. ഉടൻ തന്നെ സി.സി.ടി.വി. നോക്കിതെരച്ചിൽ തുടങ്ങി. ഇയാളെ വൈകീട്ടോടെസ്വദേശമായ പൂനൂരിൽ വെച്ച് ജയിൽ ഉദ്യോഗസ്ഥരായ സുബിൻ ലാൽ, ഷെഫീർ, മനോജ് തുടങ്ങിയവർ അനസ്സിനെ പിടികൂടുകയായിരുന്നു. അനസ്സിനെ കൊയിലാണ്ടിയിൽ എത്തിച്ചു. പ്രതി ജയിൽ ചാടിയ സംഭവത്തിൽ വൻ സുരക്ഷാ വീഴ്ച കണ്ടെത്തിയിട്ടുണ്ട്. ജയിൽ മതിലിനെക്കാൾ ഉയരത്തിൽ സമീപത്തെ വലിയ ഓഫീസ് കെട്ടിടവും , ജയിൽ കവാടത്തിനു സമീപത്തെ അനുമതിയില്ലാത്ത പെട്ടി കടയും പ്രവർത്തിക്കുന്നുണ്ട്.
