കൊയിലാണ്ടിയില്‍ വിരണ്ടോടിയ പോത്ത് ഭീതി പടർത്തി; ബൈക്ക് യാത്രക്കാരുൾപ്പെടെയുള്ളവരെ കുത്തി വീഴ്ത്തി

Jul 20, 2023, 2:59 am GMT+0000 payyolionline.in

കൊയിലാണ്ടി : കൊയിലാണ്ടി പയറ്റ് വളപ്പിൽ ക്ഷേത്രത്തിനടുത്ത് പോത്ത് വിരണ്ടോടി. രാത്രി 8 മണിയോടെ വിരണ്ട് ഓടിയ പോത്ത് നാട്ടുകാർക്കിടയിൽ ഏറെ നേരം ഭീതി പടർത്തി. ഒരു ബൈക്ക് യാത്രക്കാരനെ ഇടിച്ചിടുകയും കടകളിലേക്ക് ഓടിക്കയറുകയും ചെയ്തു. ഏറെ നേരത്തെ പരിശ്രമത്തിന് ശേഷം പോത്തിനെ കൊയിലാണ്ടി അഗ്നിരക്ഷാസേന അതിസാഹസികമായി പിടിച്ചു കെട്ടി പോലീസിനെ ഏൽപ്പിച്ചു. ഗ്രേഡ് എ എസ് ടി ഓ പ്രദീപ്, ഫയർ ആൻഡ് റെസ്ക്യൂ ഓഫീസർമാരായ ജിനീഷ് കുമാർ, അനൂപ്, ബബീഷ്, ഷാജു, ഹോംഗാർഡ് രാജീവ് എന്നിവർ രക്ഷാപ്രവർത്തനത്തിൽ ഏർപ്പെട്ടു.