കൊയിലാണ്ടി: കാർഷിക മേഖലയുടെ പുരോഗതിക്ക് സന്നദ്ധ സംഘടനകൾ ചാലകശക്തിയായി പ്രവർത്തിക്കണമെന്ന് ജില്ലാ പഞ്ചായത്ത് അംഗം എം പി ശിവാനന്ദൻ പ്രസ്താവിച്ചു. കർഷക സംഘടനയായ ഫാർമേഴ്സ് അസോസിയേഷൻ ഓഫ് ഇന്ത്യാ ദേശീയ കമ്മറ്റിയുടെ 15ാം സ്ഥാപക ദിനാചരണം കൊയിലാണ്ടി അലയൻസ് ഓഡിറ്റോറിയത്തിൽ ഉൽഘാടനം ചെയ്ത് സംസാരിക്കുകയായിരുന്നു അദ്ദേഹം.
ചടങ്ങിൽ എഫ് എ ഒ ഐ ദേശീയ ജനറൽ സെക്രട്ടറി കെ എം സുരേഷ് ബാബു അദ്ധ്യക്ഷതവഹിച്ചു. തവനൂർ കേളപ്പജി മെമ്മോറിയൽ കാർഷിക എഞ്ചിനിയറിംങ്ങ് കോളേജ് അസോസിയേറ്റ് ഡയറക്ടർ സിന്ധു ഭാസ്ക്കർ മുഖ്യപ്രഭാഷണം നടത്തി. സി.കെ സതീഷ് കുമാർ, ശശി കണ്ണമംഗലം, വേലായുധൻ കീഴരിയൂർ, സി.കെ ബാബു, വൽസല മങ്കട, ഡോ: ത്രേസാമ്മ, വർഗ്ഗീസ് വി.സി, പര്യേയി, കെ.സുരേഷ് ബാബു, പ്രേംരാജ് ഉള്ളേരി, അനിൽകുമാർ സി.എം, ശോഭിൻ, എംദേവനന്ദ, എഫ് എ ഒ ഐ സംസ്ഥാന സെക്രട്ടറി കൊല്ലം കണ്ടി വിജയൻ, എഫ് എ ഒ ഐ യുവജന വിഭാഗം കൺവിനർ എൻ എം പ്രജീഷ്, എന്നിവർ പ്രസംഗിച്ചു. സ്ഥാപക ദിനത്തോടനുബന്ധിച്ച് മേലടി ബ്ലോക്ക് പരിധിയിലെ കാർഷിക മേഖലയിൽ മികച്ച പ്രവർത്തനം നടത്തിയ എൻ എസ് എസ് യൂണിറ്റ് സി കെ ജി ഹയർ സെക്കൻ്ററി സ്കൂൾ ഒന്നാം സ്ഥാനം, രണ്ടാം സ്ഥാനം നേടിയ എസ് വി എ എസ് എസ് നടുവത്തൂർ, നൊച്ചാട് ഹയർ സെക്കൻ്ററി സ്കൂൾ – എന്നിവർക്ക് കിസാൻ മിത്രാ പുരസ്കാരം നൽകി. മാജിക് രംഗത്തെ മികച്ച പ്രകടനം കാഴ്ചവെക്കുന്ന പ്രേംരാജ് ഉള്ളേരിക്ക് മജീഷ്യൻ ആർട്ട് പുരസ്ക്കാരം നൽകി ചടങ്ങിൽ ആദരിച്ചു.
