തിക്കോടി: 2024-ലെ തിക്കോടി പഞ്ചായത്ത് തല അങ്കണവാടി പ്രവേശനോത്സവം പള്ളിക്കര ചേതനമുക്ക് അങ്കണവാടിയിൽ പഞ്ചായത്ത് പ്രസിഡണ്ട് ജമീല സമദ് ഉദ്ഘാടനം ചെയ്തു. ക്ഷേമകാര്യ സ്ഥിരം സമിതി അധ്യക്ഷൻ ആർ. വിശ്വൻ അധ്യക്ഷത വഹിച്ച ചടങ്ങിൽ വാർഡ് മെമ്പർ ഷീബ പുല്പാണ്ടി സ്വാഗതം പറഞ്ഞു.
ചടങ്ങിൽ മേലടി ബ്ലോക്ക് മെമ്പർ ശ്രീനിവാസൻ, വാർഡ് 9 മെമ്പർ വിബിതാ ബൈജു, ഐസിഡിഎസ് സൂപ്പർവൈസർ ജെന്നി എൻ.കെ എന്നിവർ സംസാരിച്ചു. അങ്കണവാടി വർക്കർ സിന്ധു നന്ദി രേഖപ്പെടുത്തി. പുതുതായി പ്രവേശനം നേടുന്ന കുട്ടികളെ പ്രസിഡണ്ട് ജമീല സമദ് ഉപഹാരങ്ങൾ നൽകി സ്വീകരിച്ചു.
