പയ്യോളി : പയ്യോളി മണ്ഡലം കോൺഗ്രസ് കമ്മിറ്റി നിർമ്മിച്ച കോൺഗ്രസ് ഭവന്റെ ഉദ്ഘാടനത്തിനായി പ്രതിപക്ഷ നേതാവ് വിഡി സതീശൻ ഇന്ന് പയ്യോളിയിലെത്തും.ദേശീയപാതക്ക് സമീപം സുബ ഹോസ്പിറ്റലിന്റെ തൊട്ടടുത്തായാണ് മണ്ഡലം കോൺഗ്രസ് കമ്മിറ്റിയുടെ ഓഫീസ് നിർമ്മിച്ചിരിക്കുന്നത്.പയ്യോളി ബസ് സ്റ്റാൻഡിന് എതിർവശത്തായി ഒരുക്കിയിരിക്കുന്ന വേദിയിൽ വൈകിട്ട് അഞ്ചേ മുപ്പതിന് പൊതുസമ്മേളനം നടക്കും.
പ്രതിപക്ഷ നേതാവിന് ഒപ്പം കെ മുരളീധരൻ എംപി, ടി. സിദ്ദിഖ് എംഎൽഎ, ഡിസിസി പ്രസിഡന്റ് അഡ്വ: കെ പ്രവീൺകുമാർ, എൻ സുബ്രഹ്മണ്യൻ, മുൻ ഡിസിസി പ്രസിഡന്റ് കെ സി അബു എന്നിവർ സംബന്ധിക്കും.കാലാവസ്ഥ പ്രതികൂലമാണെങ്കിലും വിഡി സതീശൻ ഉൾപ്പെടെയുള്ള മുഴുവൻ നേതാക്കളും ചടങ്ങിൽ സംബന്ധിക്കുമെന്ന് മണ്ഡലം കോൺഗ്രസ് കമ്മിറ്റി പ്രസിഡന്റ് സബീഷ് കുന്നങ്ങോത്ത് അറിയിച്ചു.
