വടകര : വടകര മേഴ്സി കോളേജിലെ 1995–98 വർഷത്തെ ചരിത്ര ബിരുദ ക്ലാസിലെ വിദ്യാർത്ഥികൾ അക്കാലത്തെ കുസൃതിയും കളിചിരിയും നിറഞ്ഞ ഓർമ്മകൾക്ക് പുതുജീവൻ നൽകി വടകര മുൻസിപ്പൽ പാർക്കിൽ ഒത്തുചേർന്നു. ജീവിതത്തിന്റെ വിവിധ മേഖലകളിൽ നിന്ന് എത്തിച്ചേർന്നവർ 25 വർഷങ്ങൾക്കുശേഷം പഴയ ക്ലാസ് മുറിയെ പുന: സൃഷ്ടിച്ചു . കാൽ നൂറ്റാണ്ട് മുമ്പുള്ള കൈപ്പും മധുരവും നിറഞ്ഞ ഓർമ്മകൾ അവർ പരസ്പരം പങ്കുവെച്ചു.
കേരളത്തിന് അകത്തും പുറത്തും വിദേശത്തുമുള്ള ഇവരിൽ പലരും വീണുകിട്ടിയ ഈ സുവർണ്ണ അവസരം ഓർമ്മച്ചെപ്പിൽ സൂക്ഷിക്കാനായി ഓടിയെത്തുകയായിരുന്നു.എത്തിച്ചേരാൻ കഴിയാതെ പോയവർ വീഡിയോ കോളിലൂടെ ആശംസകൾ നേരാനും മറന്നില്ല.1998 മാർച്ച് മാസത്തിലെ സെൻറ് ഓഫ് ദിനത്തെ അനുസ്മരിപ്പിച്ചു. പരിപാടികൾക്ക് ബിജു മൂഴിക്കൽ,അഷ്റഫ് ചെരണ്ടത്തൂർ,അവിനാഷ് ഊരാളുങ്കൽ, കുഞ്ഞബ്ദുള്ള, ഷെജി പാലയാട്, ഷീജ എന്നിവർ നേതൃത്വം നൽകി.
