കൊയിലാണ്ടി: പൾസ് പോളിയോ ഇമ്മ്യൂണൈസേഷൻ കോഴിക്കോട് ജില്ലാ തല ഉദ്ഘാടനം തിരുവങ്ങൂർ ബ്ലോക്ക് കുടുംബാരോഗ്യ കേന്ദ്രത്തിൽ വെച്ച് കൊയിലാണ്ടി എം എൽ എ കാനത്തിൽ ജമീല നിർവ്വഹിച്ചു. പന്തലായനി ബ്ലോക്ക് പഞ്ചായത്ത് പ്രസിഡണ്ട് പി.ബാബുരാജ് അദ്ധ്യക്ഷത വഹിച്ചു. ആർ സി എച്ച് ഓഫീസർ ഡോ. സച്ചിൻ ബാബു. ജില്ലാ മെഡിക്കൽ ഓഫീസർ ഡോ. എൻ. രാജേന്ദ്രൻ മുഖ്യാതിഥി ആയി. ആരോഗ്യ കേരളം ഡി.പി.എം ഡോ .സി.കെ. ഷാജി . പോളിയോ ദിന സന്ദേശം നൽകി. ഡെപ്യൂട്ടി ഡി എച് എസ്. ഡോ. ബിപിൻലാൽ അവലോകനം നടത്തി.
സ്കൂൾ കുട്ടികൾ ബാൻ്റ് മേളവും ബി എം എച് നഴ്സിംഗ് കോളജ് കോഴിക്കോടിൻ്റെ ഫ്ലാഷ് മോബും നടത്തി. പന്തലായനി ബ്ലോക്ക് വൈസ് പ്രസിഡന്റ് ചൈത്ര വിജയൻ, ചേമഞ്ചേരി ഗ്രാമ പഞ്ചായത്ത് പ്രസിഡണ്ട് സതി കിഴക്കയിൽ, ബ്ലോക്ക് ആരോഗ്യ സ്റ്റാൻ്റിംഗ് കമ്മിറ്റി ചെയർമാൻ കെ. അഭിനീഷ്, ബ്ലോക്ക് പഞ്ചായത്ത് അഗങ്ങളായ ഷിബാ ശ്രീധരൻ, എം.പി. മൊയ്തീൻ കോയ, ചേമഞ്ചേരി ആരോഗ്യ സ്റ്റാൻ്റിംഗ് കമ്മിറ്റി ചെയർപേഴ്സൺ അതുല്യ ബൈജു, എച് എസ്. ജോയ് തോമസ്, പി എച് എൻ എസ് സ്വപ്ന കെ.വി., എന്നിവർ സംസാരിച്ചു. ബ്ലോക്ക് മെഡിക്കൽ ഓഫീസർ ഷീബ കെ ജെ . നന്ദി പ്രസംഗം നടത്തി.
