കൊയിലാണ്ടി: മെയ് 20ന് കേന്ദ്ര സർക്കാറിൻ്റെ തെറ്റായ നയങ്ങൾക്കെതിരെ നടക്കുന്ന അഖിലേന്ത്യാ പണിമുടക്ക് വൻ വിജയമാക്കുന്നതിന് മുഴുവൻ തൊഴിലാളികളും രംഗത്തിറങ്ങണമെന്ന് ചുമട്ട് തൊഴിലാളി യൂണിയൻ സി ഐ ടി യു കൊയിലാണ്ടി ഏരിയാ സമ്മേളനം അഭ്യർത്ഥിച്ചു. എംടി വേലായുധൻ നഗറിൽ ചേർന്ന സമ്മേളനം സിഐടിയു ജില്ലാ ട്രഷറർ പി.കെ സന്തോഷ് ഉദ്ഘാടനം ചെയ്തു.
യൂണിയൻ ഏരിയാ പ്രസിഡൻ്റ് സി.അശ്വനിദേവ് അധ്യക്ഷനായി. ഇ എൻ സുരേഷ് ബാബു, കെ കെ സന്തോഷ്, ഇ നന്ദകുമാർ, സുരേന്ദ്രൻ അണേല, ഇസ്മയിൽ, അശോകൻ മുചുകുന്ന് എന്നിവർ സംസാരിച്ചു. പി ചന്ദ്രശേഖരൻ സ്വാഗതം പറഞ്ഞു. ഭാരവാഹികളായി പ്രസിഡൻ്റ് സി അശ്വനിദേവ് , സെക്രട്ടറി കെ കെ സന്തോഷ്,ട്രഷറർ ഇ നന്ദകുമാർ എന്നിവരെ തിരഞ്ഞെടുത്തു.
