ഈ ഓണത്തിന് ഹെൽത്തി ആയ ഒരു പായസം ആണോ ആലോചിക്കുന്നത്. എങ്കിൽ കൂടുതൽ ചിന്തിച്ച് സമയം കളയേണ്ട. നല്ല സൂപ്പർ ടേസ്റ്റിൽ ഓട്സ് പായസം ഉണ്ടാക്കാം. ഈ വെറൈറ്റി പായസം ഉണ്ടാക്കാൻ അധികം സമയം വേണ്ട. വീട്ടിൽ ഉള്ള സാധനങ്ങൾ വെച്ച് എളുപ്പത്തിൽ എങ്ങനെ ഉണ്ടാക്കാമെന്ന് നോക്കാം.

ആവശ്യമുള്ള സാധനങ്ങൾ:

ഓട്‌സ് – 2 കപ്പ്

ശർക്കര – 1 കപ്പ്

തേങ്ങാ പാൽ

വെള്ളം – 2 കപ്പ് (ഓട്‌സ് വേവിക്കാൻ)

നെയ്യ് – 1 ടേബിൾസ്പൂൺ

കശുവണ്ടി,തേങ്ങആവശ്യത്തിന്

ഏലക്കയ്ക്കാപ്പൊടി – ആവശ്യത്തിന്

Undണ്ടാക്കുന്ന വിധം

ആദ്യം ഒരു പാത്രത്തിൽ 2 കപ്പ് വെള്ളം ചേർത്ത് ഓട്‌സ് 20 മിനിറ്റ് നന്നായി വേവിച്ച് മാറ്റി വെയ്ക്കുക. ശേഷം മറ്റൊരു പാത്രത്തിൽ 1 കപ്പ് വെള്ളത്തിൽ ശർക്കര ചേർത്ത് തിളപ്പിച്ച് പാനിയാക്കി എടുക്കുക. ശേഷം ഈ പാനി അരിച്ചെടുത്ത് മാറ്റി വെയ്ക്കുക. തിളപ്പിച്ച ശർക്കരപ്പാനി ഓട്‌സ് വേവിച്ച പാത്രത്തിൽ ചേർത്ത് 5-7 മിനിറ്റ് നന്നായി വേവിക്കുക.

ഇതിലേക്ക് തേങ്ങാ പാൽ ചേർത്ത് നന്നായി ഇളക്കി ചെറിയ തീയിൽ വേവിക്കുക. വെന്ത് വരുമ്പോൾ നെയ്യിൽ വറുത്തെടുത്ത കശുവണ്ടിയും, തേങ്ങയും പായസത്തിലേക്ക് ചേർത്ത് ഇളക്കുക. അവസാനം ഏലയ്ക്കാപ്പൊടി ഇട്ട് നന്നായി ഇളക്കി മാറ്റി വെയ്ക്കുക.