.
തിക്കോടി : തൃക്കോട്ടൂർ എ യു പി സ്കൂളിൽ ശാസ്ത്ര, ഗണിതശാസ്ത്ര, പ്രവർത്തിപരിചയ, ‘സാമൂഹ്യശാസ്ത്ര, കലാകായികമേളകളിൽ വിജയം കൈവരിച്ച വിദ്യാർത്ഥികൾക്കുള്ള അനുമോദനവും , രക്ഷിതാക്കൾക്കുള്ള ബോധവൽക്കരണ ക്ലാസും നടത്തി. തിക്കോടി ഗ്രാമ പഞ്ചായത്ത് പ്രസിഡന്റ്‌ ജമീല സമദ് പരിപാടി ഉത്ഘാടനം ചെയ്തു. സ്കൂൾ ഹെഡ്മാസ്റ്റർ ജി പി സുധീർ സ്വാഗതവും, 17-ാം വാർഡ് മെമ്പർ ജയകൃഷ്ണൻ ചെറുകുറ്റി അധ്യക്ഷതയും വഹിച്ചു.
വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ഷക്കീല , പി ടി എ പ്രസിഡണ്ട് എ വി ഷിബു , എം പി ടി എ പ്രസിഡണ്ട് രജനി നിഷാന്ത്, സീനിയർ അധ്യാപകരായ ടി ഹേമമാലിനി , പി കെ ശൈലേഷ്, സ്റ്റാഫ് സെക്രട്ടറി എസ് കെ അനീഷ് എന്നിവർ ആശംസകൾ അർപ്പിച്ച് സംസാരിച്ചു. സ്കൂളിലെ പൂർവ്വ വിദ്യാർത്ഥിയും എൻ ഡി . എ സെലക്ഷനിലൂടെ ‘വ്യോമസേനയിൽ പൈലറ്റ് ആയി സെലക്ഷൻ കിട്ടിയ അനിരുദ്ധിനുള്ള അനുമോദനം പിതാവ് പ്രഭീഷ് മാസ്റ്റർ ഏറ്റുവാങ്ങി. “കുട്ടികളിലെ ലഹരി ഉപയോഗം” എന്ന വിഷയത്തെ ആസ്പദമാക്കി വടകര റേയ്ഞ്ച് അസിസ്റ്റൻറ് എക്സൈസ് ഇൻസ്പെക്ടർ ജയപ്രകാശ് ബോധവൽക്കരണ ക്ലാസ് നടത്തി . തുടർന്ന് വിവിധ മേളകളിൽ വിജയം വരിച്ച 153 – ൽ പരം വിദ്യാർത്ഥികൾക്കുള്ള ട്രോഫി വിതരണവും നടന്നു . ജ്യോതിഷ് എം കെ നന്ദി പ്രകാശിപ്പിച്ചു.
