കൊയിലാണ്ടി: തെങ്ങിന് തീപിടിച്ചു. കൊയിലാണ്ടി മൂത്താമ്പിയിൽ മുന്നാസ് ഹൗസിൽ അബ്ദുള്ളയുടെ പറമ്പിലെ തെങ്ങിനാണ് ഇന്ന് പുലർച്ചെ അഞ്ചുമണിയോടുകൂടി തീപിടിച്ചത്. തെങ്ങിന് കീഴിലൂടെ പോയ ഇലക്ട്രിക് ലൈനിൽ നിന്നും ആണ് ഷോർട് സർക്യൂട്ട് ആയി തീ പിടിച്ചതെന്നാണ് കരുതുന്നത്. വിവരം കിട്ടിയതിനെ തുടർന്ന് കൊയിലാണ്ടിയിൽ നിന്നും അഗ്നിരക്ഷാസേന ഗ്രേഡ് എ.എസ് ടി .ഒ. പി കെ ബാബുവിന്റെ നേതൃത്വത്തിൽ എത്തുകയും തീ അണക്കുകയും ചെയ്തു. എഫ്.ആർ.ഒ. മാരായ വി കെ ബിനീഷ്, ബി ഹേമന്ത്, ഇ എം നിധി പ്രസാദ് , പി കെ റിനീഷ്, ഹോം ഗാർഡ് സുജിത്ത് എന്നിവർ തീ അണക്കുന്നതിൽ ഏർപ്പെട്ടു.
