കൊയിലാണ്ടി : ശുചിമുറി മാലിന്യം തള്ളാൻ ശ്രമിച്ചത് നാട്ടുകാർ കൈയോടെ പിടികൂടി. നാഷണൽ ഹൈവേ ബൈപ്പാസ് നിർമ്മാണം നടക്കുന്ന ഗോപാലപുരം ചാലി പ്രദേശത്താണ് വഗാഡ് കമ്പനിയുടെ ലേബർ ക്യാമ്പിൽ നിന്നും ഉള്ള കക്കൂസ് മാലിന്യം തള്ളാൻ ശ്രമിച്ചത്. വണ്ടിയിൽ ഉണ്ടായിരുന്ന ഡ്രൈവറും ക്ലീനർ ഓടി രക്ഷപ്പെട്ടു. കൊയിലാണ്ടി ട്രാഫിക് പോലീസ് എസ് ഐ സ്ഥലത്തെത്തി വണ്ടി കസ്റ്റഡിയിലെടുത്തു. പല പ്രാവശ്യം കക്കൂസ് മാലിന്യം ഇതുപോലുള്ള സ്ഥലങ്ങളിൽ തള്ളുന്നുവെന്നു നാട്ടുകാര്‍ പറയുന്നു. പോലീസ് സ്ഥലത്തെത്തി വണ്ടി കസ്റ്റഡിയിലെടുത്തെങ്കിലും ഇനി ആവർത്തിക്കില്ല എന്ന് ഉറപ്പിന്മേൽ പിഴ അടച്ച് വാഹനം വിട്ട് നല്‍കി.
