പായസം പലവിധമുണ്ട്. എല്ലാം ഒന്നും പലർക്കും ഉണ്ടാക്കാൻ അറിയണമെന്നില്ല. എന്നാൽ ഇനി ഒന്നും ഉണ്ടാക്കാൻ അറിയാത്തവർക്കായി ഈ ഓണക്കാലത്ത് എളുപ്പത്തിൽ ഉണ്ടാകാവുന്ന ഗോതമ്പു പായസത്തിന്റെ റെസിപ്പി പറഞ്ഞു തരട്ടെ..
അവശ്യ ചേരുവകൾ
നുറുക്ക് ഗോതമ്പ് – 150 ഗ്രാം
ശർക്കര പാനി – 350 മില്ലിലിറ്റർ (ഏകദേശം 400 ഗ്രാം ശർക്കര ഉരുക്കിയത്)
രണ്ടാം പാൽ (കട്ടി കുറഞ്ഞ തേങ്ങാ പാൽ) – 300 മില്ലിലിറ്റർ
ഒന്നാം പാൽ (കട്ടിയുള്ള തേങ്ങാ പാൽ) – 100 മില്ലിലിറ്റർ
ഏലയ്ക്ക പൊടിച്ചത് – 4 എണ്ണം
അണ്ടിപ്പരിപ്പ് – 10 എണ്ണം
ഉണക്ക മുന്തിരി – ആവശ്യത്തിന്
നെയ്യ് – 2 ടീസ്പൂൺ
തയ്യാറാക്കുന്ന വിധം:
നുറുക്ക് ഗോതമ്പ് നന്നായി കഴുകി ഒരു പ്രഷർ കുക്കറിൽ വെള്ളം ഒഴിച്ച് വേവിക്കുക. ഒരു വിസിൽ വന്ന ശേഷം തീ കുറച്ച് 20 മിനിറ്റ് വേവിച്ചെടുക്കുക. ചൂടായ ഒരു ഉരുളിയിൽ നെയ്യ് ചേർത്ത ശേഷം വേവിച്ച ഗോതമ്പ് വെള്ളം ഇല്ലാതെ ചേർത്ത് 3-4 മിനിറ്റ് വഴറ്റുക. ഇതിലേക്ക് ശർക്കര പാനിയാക്കിയതും ഒരു ടീസ്പൂൺ നെയ്യും ചേർത്ത് നന്നായി ഇളക്കി കുറുക്കിയെടുക്കുക. കട്ടി കുറഞ്ഞ തേങ്ങാ പാൽ ഒഴിച്ച് ഇളക്കി 8 മിനിറ്റ് വറ്റിച്ചെടുക്കുക. തീ കുറച്ച ശേഷം കട്ടിയുള്ള തേങ്ങാ പാൽ ചേർത്ത് നന്നായി ഇളക്കുക. പക്ഷെ തിളക്കാൻ അനുവദിക്കരുത്. അവസാനം, വറുത്ത അണ്ടിപ്പരിപ്പും ഉണക്ക മുന്തിരിയും ചേർക്കാം.
