കോ​ഴി​ക്കോ​ട്: പാ​ലാ​ഴി​യി​ലെ എ​നി ടൈം ​മ​ണി (എ.​ടി.​എം) ത​ട്ടി​പ്പു​കേ​സി​ൽ ക​ണ്ണൂ​ർ അ​ർ​ബ​ൻ നി​ധി ലി​മി​റ്റ​ഡ് (കെ.​യു.​എ​ൻ.​എ​ൽ) ത​ട്ടി​പ്പു​കേ​സി​ൽ റി​മാ​ൻ​ഡി​ലാ​യ മൂ​ന്നു പ്ര​തി​ക​ളെ അ​റ​സ്റ്റ് ചെ​യ്യാ​ൻ ജി​ല്ല ക്രൈം​ബ്രാ​ഞ്ച്. എ​നി ടൈം ​മ​ണി​യു​ടെ മാ​തൃ​സ്ഥാ​പ​ന​മാ​ണ് ക​ണ്ണൂ​രി​ൽ കോ​ടി​ക്ക​ണ​ക്കി​ന് രൂ​പ​യു​ടെ ത​ട്ടി​പ്പ് ന​ട​ത്തി​യ ക​ണ്ണൂ​ർ അ​ർ​ബ​ൻ നി​ധി ലി​മി​റ്റ​ഡ്.

ത​ട്ടി​പ്പി​ൽ റി​മാ​ൻ​ഡി​ലാ​യ അ​ര്‍ബ​ന്‍ നി​ധി​യു​ടെ ഡ​യ​റ​ക്ട​ര്‍ തൃ​ശൂ​ർ വ​ര​വൂ​ർ സ്വ​ദേ​ശി കു​ന്ന​ത്തു​പീ​ടി​ക​യി​ൽ കെ.​എം. ഗ​ഫൂ​ര്‍, എ​നി ടൈം ​മ​ണി ഡ​യ​റ​ക്ട​ര്‍ മ​ല​പ്പു​റം ച​ങ്ങ​രം​കു​ളം സ്വ​ദേ​ശി മേ​ലേ​പ്പാ​ട്ട് ഷൗ​ക്ക​ത്ത് അ​ലി, എ​നി ടൈം ​മ​ണി മാ​നേ​ജി​ങ് ഡ​യ​റ​ക്ട​ര്‍ വ​ട​ക്കേ​ക്കാ​ട് നാ​യ​ര​ങ്ങാ​ട് വെ​ള്ള​റ​വീ​ട്ടി​ൽ ആ​ന്റ​ണി സ​ണ്ണി എ​ന്നി​വ​രെ​യാ​ണ് കോ​ഴി​ക്കോ​ട്ടെ കേ​സി​ൽ ക​ണ്ണൂ​ർ ജ​യി​ലി​ൽ പോ​യി അ​ന്വേ​ഷ​ണ​സം​ഘം അ​റ​സ്റ്റ് ചെ​യ്യു​ക. പ​ന്തീ​രാ​ങ്കാ​വ് പൊ​ലീ​സ് ര​ജി​സ്റ്റ​ർ ​ചെ​യ്ത ആ​ദ്യ ര​ണ്ടു കേ​സു​ക​ളി​ലാ​ണ് ജി​ല്ല ക്രൈം​ബ്രാ​ഞ്ച് ​അ​ന്വേ​ഷ​ണം ആ​രം​ഭി​ച്ച​ത്. പ്ര​തി​ക​ളു​ടെ അ​റ​സ്റ്റ് രേ​ഖ​പ്പെ​ടു​ത്താ​നു​ള്ള പ്രൊ​ഡ​ക്ഷ​ൻ വാ​റ​ന്റ് പു​റ​പ്പെ​ടു​വി​ക്കാ​ൻ കോ​ഴി​ക്കോ​ട് സി.​ജെ.​എം കോ​ട​തി​യി​ൽ അ​ന്വേ​ഷ​ണ സം​ഘം അ​പേ​ക്ഷ ന​ൽ​കി​യി​ട്ടു​ണ്ട്. അ​പേ​ക്ഷ​യി​ൽ തി​ങ്ക​ളാ​ഴ്ച അ​നു​മ​തി ല​ഭി​ക്കു​മെ​ന്നാ​ണ് പ്ര​തീ​ക്ഷ. പി​ന്നീ​ട് പ്ര​തി​ക​ളെ ക​സ്റ്റ​ഡി​യി​ൽ ല​ഭി​ക്കു​ന്ന​തി​നും അ​പേ​ക്ഷ ന​ൽ​കും.

കേ​സി​ന്റെ അ​ന്വേ​ഷ​ണ ചു​മ​ത​ല ല​ഭി​ച്ച​തി​നു​പി​ന്നാ​ലെ ജി​ല്ല ക്രൈം ​ബ്രാ​ഞ്ച് അ​സി. ക​മീ​ഷ​ണ​ർ ടി.​എ. ആ​ന്റ​ണി എ​റ​ണാ​കു​ളം വി​ജി​ല​ൻ​സി​ലേ​ക്ക് മാ​റി​യി​രു​ന്നു. പ​ക​രം നി​യോ​ഗി​ച്ച വി. ​സു​രേ​ഷ് ചു​മ​ത​ല​യേ​റ്റി​ട്ടു​മി​ല്ല. ഇ​തോ​ടെ ക​ൺ​ട്രോ​ൾ റൂം ​അ​സി. ക​മീ​ഷ​ണ​ർ മൂ​സ വ​ള്ളി​ക്കാ​ട​ന്റെ നേ​തൃ​ത്വ​ത്തി​ലാ​ണ് അ​ന്വേ​ഷ​ണം പു​രോ​ഗ​മി​ക്കു​ന്ന​ത്. ത​ട്ടി​പ്പി​ൽ പ​ന്തീ​രാ​ങ്കാ​വ് പൊ​ലീ​സ് മാ​ത്രം 18 കേ​സു​ക​ളാ​ണ് ര​ജി​സ്റ്റ​ർ ​ചെ​യ്ത​ത്. കൊ​യി​ലാ​ണ്ടി, പ​ന്നി​യ​ങ്ക​ര എ​ന്നീ സ്റ്റേ​ഷ​നു​ക​ളി​ലും കേ​സു​ക​ളു​ണ്ട്. 2021 ജൂ​ണി​ൽ പാ​ലാ​ഴി​യി​ൽ പ്ര​വ​ർ​ത്ത​നം തു​ട​ങ്ങി​യ സ്ഥാ​പ​നം അ​ര​ല​ക്ഷ​വും അ​തി​ല​ധി​ക​വും ശ​മ്പ​ളം ന​ൽ​കി നി​യ​മി​ച്ച യു​വ​തീ​യു​വാ​ക്ക​ളോ​ട് ഒ​മ്പ​തു ശ​ത​മാ​നം പ​ലി​ശ വാ​ഗ്ദാ​നം ചെ​യ്താ​ണ് ല​ക്ഷ​ക്ക​ണ​ക്കി​ന് രൂ​പ നി​ക്ഷേ​പം സ്വീ​ക​രി​ച്ച​തും ത​ട്ടി​പ്പ് ന​ട​ത്തി​യ​തും. പാ​ലാ​ഴി​യി​ലെ എ​നി ടൈം ​മ​ണി​യു​ടെ ഓ​ഫി​സ് പ​ന്തീ​രാ​ങ്കാ​വ് പൊ​ലീ​സ് പൂ​ട്ടി സീ​ൽ ചെ​യ്ത​താ​ണ്.