തിക്കോടി: തിക്കോടി ഗ്രാമപഞ്ചായത്ത് കുടുംബശ്രീ മോഡൽ സിഡിഎസ് ബാലസഭ ബാല പഞ്ചായത്ത് രൂപീകരണം പഞ്ചായത്ത് പ്രസിഡണ്ട് ജമീല സമദ് ഉദ്ഘാടനം ചെയ്തു. സിഡിഎസ് ചെയർപേഴ്സൺ പുഷ്പ പി കെ അധ്യക്ഷത വഹിച്ചു. ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ആർ വിശ്വൻ, വാർഡ് മെമ്പർമാരായ എൻ എം ടി അബ്ദുള്ളക്കുട്ടി, ബിനു കാരോളി, ജിഷ കാട്ടിൽ ഷീബ പുൽപ്പാണ്ടി എന്നിവർ സംസാരിച്ചു.
ബാലസഭ പ്രബന്ധ മത്സരത്തിൽ പങ്കെടുത്ത് അന്താരാഷ്ട്ര ശുചിത്വ ഉച്ചകോടിയിലേക്ക് പ്രബന്ധം അവതരിപ്പിക്കാൻ തെരഞ്ഞെടുക്കപ്പെട്ട ഉമ്മുഹബീബയെ സി ഡി എസ് ചെയർപേഴ്സൺ ആദരിച്ചു. ബാലസഭ സി ഡി എസ് ആർ പി അമയ ഷാജി , ബ്ലോക്ക് കോഡിനേറ്റർ സബിഷ എന്നിവർ ക്ലാസ്സെടുത്തു. ബാല പഞ്ചായത്ത് പ്രസിഡണ്ടായി വേദ മുരളിയെയും സെക്രട്ടറിയായി ആര വിനെയും തെരഞ്ഞെടുത്തു. ആരോഗ്യം ശുചിത്വം ഭക്ഷ്യകാര്യം ദത്തുക് ഹാഷ്മി, വിദ്യാഭ്യാസം പ്രിയനന്ദൻ, സാമൂഹ്യനീതി വനിത ശിശുക്ഷേമം നേഹാലക്ഷ്മി, വനം പരിസ്ഥിതി സംരക്ഷണം കൃഷി ആയിഫ മെഹ്ബിൻ, കലാകായികം റിയാ സുധീഷ് തുടങ്ങിയ സ്റ്റാൻഡിങ് കമ്മിറ്റി കമ്മിറ്റിയെയും തെരഞ്ഞെടുത്തു. പരിപാടിക്ക് സിഡിഎസ് മെമ്പർമാർ നേതൃത്വം കൊടുത്തു.
