തിക്കോടി : സിപിഎം തിക്കോടി ലോക്കൽ കമ്മിറ്റി അംഗവും സിഐടിയു ഏരിയ കമ്മിറ്റി അംഗവുമായ ചെത്തിൽ ഗിരീഷിൻെറ തറവാട്ട് വീട്ടിലേക്കാണ് അതിശക്തമായ ബോബേറ് നടന്നത്. മുറ്റത്തെ മാവിൽ തട്ടി ലക്ഷ്യം തെറ്റിയതിനാൽ വീടിന് മുമ്പിൽ വീണ് ബോബ് പൊട്ടുകയായിരുന്നു. പ്രായം ചെന്ന അച്ഛനും അമ്മയും വീട്ടിൽ ഉള്ളപ്പോഴാണ് ഇത്തരം അക്രമം ഉണ്ടായത് .
പയ്യോളി പോലീസിൽ പരാതി നൽകിയതിനെ തുടർന്ന് പരിശോധന നടത്തി. യുഡിഎഫ് പ്രവർത്തകരാണ് ഇതിന് പിന്നിലെന്നും അതിശക്തമായ പ്രതിഷേധം രേഖപ്പെടുത്തുന്നതായും ഇത്തരം അക്രമങ്ങളെ ജനങ്ങളെ അണി നിരത്തി ജനാധിപത്യ രീതിയില്‍ നേരിടുമെന്നും സിപിഎം തിക്കോടി ലോക്കൽ സെക്രട്ടറി കളത്തില്‍ ബിജു പറഞ്ഞു.
