പയ്യോളിയിൽ എംഡിഎംഎ യുമായി തലശ്ശേരി സ്വദേശി പിടിയിൽ

Jul 20, 2025, 2:50 pm GMT+0000 payyolionline.in

പയ്യോളി: മാരക ലഹരിയായ എംഡിഎംഎ യുമായി തലശ്ശേരി സ്വദേശി പിടിയിൽ. തലശ്ശേരി എരഞ്ഞോളി ഡ്രിം ഹെവനിൽ വസീം നിസാർ (29) യാണ് പിടിയിലായത്. പേരാമ്പ്ര ഭാഗത്തേക്ക് ബൈക്കിൽ യാത്ര ചെയ്യുകയായിരുന്ന വസീമിനെ റൂറൽ എസ്പിയുടെ ഡാൻസാഫ് ടീം ബൈക്കിൽ പിന്തുടർന്ന് തടയുകയായിരുന്നു. തുടർന്ന് പയ്യോളി സി.ഐ. എ.കെ. സജീഷിൻ്റെ നേതൃത്വത്തിൽ പോലീസ് സ്ഥലത്തെത്തി അറസ്റ്റ് രേഖപ്പെടുത്തി. ശനിയാഴ്ച വൈകീട്ട് പയ്യോളി-പേരമ്പ്ര റോഡിൽ കനറാ ബാങ്കിന് സമീപമാണ് സംഭവം.