തിക്കോടി: മേലടി ഉപജില്ല സ്കൂൾ കലോത്സവം സി കെ ജി എം എച്ച്എസ്എസ് ചിങ്ങപുരത്ത് പന്തലായനി ബ്ലോക്ക്‌ പഞ്ചായത്ത് പ്രസിഡന്റ്‌ പി.ബാബു രാജ് ഉദ്ഘാടനം ചെയ്തു. സ്വാഗത സംഘം ചെയർമാനും മൂടാടി ഗ്രാമ പഞ്ചായത്ത് പ്രസിഡണ്ടുമായ സി.കെ ശ്രീകുമാർ അധ്യക്ഷത വഹിച്ചു. പ്രേമൻ മുചുകുന്ന് മുഖ്യാതിഥിയായി. ആര്യനന്ദ വിശിഷ്ടാതിഥിയായി.
എ ഇ ഒ പി ഹസീസ്, ജനറൽ കൺവീനർ പി ശ്യാമള, കെ ജീവാനന്ദൻ മാസ്റ്റർ, ടി കെ ഭാസ്കരൻ , സജീവൻ കുഞ്ഞോത്ത്, സുഹറ ഖാദർ, ടി എം റജുല , എം കെ രാഹുൽ, പി അനീഷ്, ആർ പി ഷോഭിദ് , ടി.ഒ സജിത, വി.വി സുരേഷ്, ഒ. രാഘവൻ മാസ്റ്റർ, കെഎം കുഞ്ഞിക്കണാരൻ, സിറാജ് മുത്തായം, ഹേമലാൽ മൂടാടി എന്നിവർ സംസാരിച്ചു. ലോഗോ ഡിസൈൻ ചെയ്ത കെ കെ അൻസാറിന് ഉപഹാരം നൽകി ആദരിച്ചു.
