മൂടാടി: വന്മുകം കോടിക്കൽ എ.എം യു.പി സ്കൂൾ പ്രവേശനോത്സവം പി. ഇൻശിദ ഉൽഘാടനം ചെയ്തു. പി.ടി.എ പ്രസിഡണ്ട് യൂസഫ് ദാരിമി അധ്യക്ഷത വഹിച്ച ചടങ്ങിൽ പ്രശസ്ത വിദ്യാഭ്യാസ പ്രവർത്തകനും പ്രഭാഷകനുമായ ടി.വി. അബ്ദുൾ ഗഫൂർ മാസ്റ്റർ എൽ.എസ്.എസ് ജേതാക്കൾക്കുള്ള ഉപാഹരവിതരണവും മുഖ്യപ്രഭാഷണവും നടത്തി.
മാനേജർ എൻ.പി. മമ്മദ് ഹാജി നവാഗതർക്കുള്ള പഠന കിറ്റ് വിതരണം ചെയ്തു. മൂടാടി ഗ്രാമ പഞ്ചായത്ത് സ്കൂളിന് നൽകിയ ബയോഗ്യാസ് വാർഡ് മെമ്പർ സമർപ്പിച്ചു. മാനേജ്മെൻ്റ് കമ്മറ്റി ഭാരവാഹികളായ പി. ബഷീർ, മന്ദത്ത് മജീദ്, എൻ.കെ. കുഞ്ഞബ്ദുള്ള എന്നിവർ ആശംസകൾ നേർന്നു. പ്രഥമാധ്യാപകൻ പി.ഹാഷിം മാസ്റ്റർ സ്വാഗതവും സ്റ്റാഫ് സെക്രട്ടറി നൂറുന്നിസ ടീച്ചർ നന്ദിയും പറഞ്ഞു. രക്ഷിതാക്കൾക്കുള്ള ബോധവൽക്കരണ ക്ലാസിന് സഹീറഇ.കെ. നേതൃത്വം നൽകി.
