കോഴിക്കോട്: സംസ്കൃത നാടകത്തിൽ ഇത്തവണയും തിളങ്ങി പൊയിൽക്കാവ് ഹയർ സെക്കൻഡറി സ്കൂൾ. 20 വർഷമായി സംസ്കൃത നാടകവുമായി ഈ സ്കൂളിലെ മിടുക്കന്മാർ സംസ്ഥാന തലത്തിൽ മത്സരിക്കാൻ എത്തുന്നത്.
കാളിദാസന്റെ പ്രസിദ്ധമായ അഭിജ്ഞാനശാകുന്തളത്തിലെ രംഗത്തെ ആവിഷ്കരിച്ച് കാലടി സർവകലാശാലയിലെ എം.കെ. സുരേഷ് ബാബുവാണ് നാടകം ഒരുക്കിയത്. 20 വർഷവും കുട്ടികളെ സംസ്ഥാന കലോത്സവത്തിനു തയാറാക്കിയത് ഇദ്ദേഹമാണ്.