ആളൊഴിഞ്ഞ പറമ്പിലെ കുളത്തിൽ അജ്ഞാതന്റെ മൃതദേഹം; സംഭവം പൂക്കാട്

Oct 5, 2025, 9:44 am GMT+0000 payyolionline.in

ചേമഞ്ചേരി: പൂക്കാട് ആളൊഴിഞ്ഞ പറമ്പിലെ കുളത്തില്‍ അഞ്ജാതന്റെ മൃതദേഹം കണ്ടെത്തി. ഇന്ന് രാവിലെയാണ് സംഭവം. പൂക്കാട് ഴയ ടെലഫോണ്‍ എക്‌സേഞ്ചിന്റെ പിന്നില്‍ കുഞ്ഞിക്കുളങ്ങര ഹരിദാസന്റ വീട്ടിലെ പറമ്പിലെ ഉപയോഗ ശൂന്യമായ കുളത്തിലാണ് മൃതദേഹം കണ്ടത്അസഹ്യമായ ദുര്‍ഗന്ധത്തെ തുടര്‍ന്നു പ്രദേശവാസികള്‍ നടത്തിയ തിരച്ചിലിലാണ് മൃതദേഹം കണ്ടെത്തിയത്. കൊയിലാണ്ടി പോലീസും ഫയര്‍ഫോഴ്‌സും സ്ഥലത്തെത്തി മൃതദേഹം പുറത്തെടുത്തു. മൃതദേഹത്തിന് രണ്ട് ദിവസത്തെ പഴക്കമുണ്ടെന്നാണ് കരുതുന്നത്.അഴുകി തുടങ്ങിയ മൃതദേഹം തിരിച്ചറിയാന്‍ കഴിയാത്ത വിധമാണ്. മൃതദേഹത്തിന്റെ കൂടെ ഏതാനും തുണികളും കണ്ടെത്തിയിട്ടുണ്ട്. പോലീസ് ഇന്‍ക്വസ്റ്റ് നടത്തികൊണ്ടിരിക്കയാണ്. സമീപപ്രദേശത്തുനിന്ന് ആരെയെങ്കിലും കാണാതായിട്ടുണ്ടോ എന്ന കാര്യവും അന്വേഷിക്കുന്നുണ്ട്.