കൊയിലാണ്ടി: ഉള്ളിയേരി എക്സ്- സർവ്വീസ്മെൻ സൊസൈറ്റിയുടെ വാർഷിക കുടുംബ സംഗമം ഉള്ളിയേരി എൻ എം എ യു പി സ്കൂളിൽ നടന്നു. കുടുംബ സംഗമം ഉള്ളിയേരി ഗ്രാമപഞ്ചായത്ത് പ്രസിഡൻ്റ് സി അജിത ഉദ്ഘാടനം ചെയ്തു. സൊസൈറ്റി പ്രസിഡൻ്റ് രാജേന്ദ്രൻ കുളങ്ങര അദ്ധ്യക്ഷം വഹിച്ചു. വിമുക്തഭട കുടുംബാംഗങ്ങളുടെ കലാപരിപാടികളും കായിക വിനോദപരിപാടികളും നടന്നത് അവരുടെ സേനാ ജീവിതത്തെ ഓർത്തെടുക്കുന്നതായി. കാലത്ത് 9 മണിക്ക് തുടങ്ങിയ പരിപാടി വൈകുന്നേരം 5 മണിയോടെ അവസാനിച്ചു. വിവിധ മേഖലകളിൽ കഴിവ് തെളിയിച്ച അംഗങ്ങള ആദരിച്ചു.
കലാകായിക വിനോദങ്ങളിൽ പങ്കെടുത്ത എല്ലാവർക്കും സമ്മാനങ്ങൾ നൽകി. വേലായുധൻ യം , ദിലീപൻ നമ്പി, അശോകൻ കിടാവ്, ഷിജിത്ത് പി.യം, ഗോപിനാഥൻ. യു.കെ, ശശി പാണക്കാട്ട് , സതീശൻ എൻ.കെ, അജിത്ത് കുമാർ, രാജൻ ഒറവിൽ എന്നിവർ നേതൃത്വം നൽകി.
