പള്ളിക്കര: അധ്യാപകദിനത്തിന്റെ ഭാഗമായി പള്ളിക്കര ഗെലാർഡിയ പബ്ലിക് സ്കൂളിൽ വ്യത്യസ്തമായ പരിപാടികൾ സംഘടിപ്പിച്ചു. വിദ്യാർത്ഥികളിലെ അധ്യാപകരെ കണ്ടെത്തുന്നതിനായി നടത്തിയ ‘കുട്ടിടീച്ചർ’ പരിപാടി ഏറെ ശ്രദ്ധേയമായി. തങ്ങളുടെ പ്രിയപ്പെട്ട അധ്യാപകർക്ക് വിദ്യാർഥികൾ സ്നേഹസമ്മാനങ്ങൾ നൽകി.
സ്കൂളിന്റെ സന്തത സാഹചരിയും മുതിർന്ന അധ്യാപികയുമായ ശ്രീമതി ബൽഖീസ് ടീച്ചറെ അധ്യാപകർക്കു വേണ്ടി പ്രിൻസിപ്പൽ ശംസീന കെ കെ പൊന്നാട അണിയിച്ച് ആദരിച്ചു. രമ സുരേഷ് കുട്ടികൾക്കുള്ള
അധ്യാപകദിന സന്ദേശം കൈമാറി.
വി. വി റിയാസ് മാസ്റ്ററുടെ അധ്യക്ഷതയിൽ ചേർന്ന പൊതുയോഗത്തിൽ റിയാസ് ദാരിമി സ്വാഗതവും ഒ. കെ ഫൈസൽ നന്ദിയും പറഞ്ഞു. അധ്യാപകരായ സുനിതരാജേന്ദ്രൻ , ഫസീലശംസുദ്ധീൻ ശാരിക. കെ , നീതുജയേഷ് , ജസ്‌നറഹീം , ഷബ്‌നനജീബ് , അഞ്ചന, രൂപകല ഹർഷിന നന്തി,ഷഹാന ഫർഷാദ് തുടങ്ങിയവർ സംബന്ധിച്ചു
