പയ്യോളി : അയനിക്കാട് പോസ്റ്റ് ഓഫീസ് ബസ് സ്റ്റോപ്പ് നശിപ്പിച്ച നിലയിൽ. ദേശീയപാത വികസനത്തിന്റെ ഭാഗമായി പഴയ ബസ്റ്റോപ്പിന് ബദലായി ഡിവൈഎഫ്ഐ – പോസ്റ്റ് ഓഫീസ് യൂണിറ്റ് നിർമ്മിച്ച ബസ് സ്റ്റോപ്പാണ് സാമൂഹികവിരുദ്ധർ നശിപ്പിച്ച നിലയിൽ കണ്ടെത്തിയത് .
ശക്തമായ വെയിലിൽ ജനങ്ങൾക്ക് ഏറെ ആശ്വാസമായിരുന്നു ഈ കാത്തിരിപ്പ് കേന്ദ്രം. ബസ് സ്റ്റോപ്പ് തകര്‍ത്തവരെ കണ്ടെത്തി നിയമനടപടികൾ സ്വീകരിച്ചു മുന്നോട്ടു പോകുമെന്ന് അയനിക്കാട് പോസ്റ്റ് ഓഫീസ് യൂണിറ്റ് ഭാരവാഹികൾ അറിയിച്ചു.
