കൊയിലാണ്ടി: കൊയിലാണ്ടി നഗരസഭ നാലാം വാർഡിൽ കൃഷിഭവന്റേയും ആത്മ കോഴിക്കോടിന്റെയും സഹകരണത്തോടെ മാരി ഗോൾഡ് – എഫ്. ഐ ജി ഗ്രൂപ്പിന്റെ നേതൃത്വത്തിൽ ചെണ്ടുമല്ലി കൃഷി തൈ നടീൽ ഉദ്ഘാടനം നടന്നു. നഗര സഭാ വികസന സ്റ്റാൻഡിംഗ് കമ്മറ്റി ചെയർപേഴ്സൺ ഇന്ദിര ടീച്ചറുടെ അധ്യക്ഷതയിൽ നഗരസഭാ വൈസ് ചെയർമാൻ അഡ്വ.കെ. സത്യൻ ഉദ്ഘാടനം ചെയ്തു. കൃഷി ഓഫീസർ വിദ്യ പദ്ധതി വിശദീകരിച്ചു. ദയാനന്ദൻ , പി.സിജീഷ് വി.ബാലകൃഷ്ണൻ എന്നിവർ ആശംസകൾ നേർന്നു വാർഡ് കൗൺസിലർ രമേശൻ വലിയാട്ടിൽ , എം കെ ലിനീഷ് എന്നിവർ സംസാരിച്ചു.
