കൊയിലാണ്ടി : പൊയിൽക്കാവ് ഹയർ സെക്കന്ററി സ്കൂൾ എസ് പി സി കേഡറ്റുകളുടെ പാസിങ് ഔട്ട്‌ പരേഡ് നടന്നു. വടകര ഡി വൈ എസ് പി ഹരിപ്രസാദ് സല്യൂട്ട് സ്വീകരിച്ചു.
സ്കൂളിൽനിന്നും വിരമിക്കുന്ന ഹെഡ്മിസ്ട്രെസ് ജയലേഖ ടീച്ചർ ഉൾപ്പെടെയുള്ളവർക്കും , സർവീസിൽ നിന്നും വിരമിക്കുന്ന സബ് ഇൻസ്‌പെക്ടർ സാബു പി എം, ഫയർ &റെസ്ക്യൂ സ്റ്റേഷൻ ഓഫീസർ ആനന്ദൻ എന്നിവർക്കും യാത്രയയപ്പ് നൽകി.
ചടങ്ങിൽ എച്ച് എം സുനിൽ കുമാർ, പി ടി എ പ്രസിഡന്റ്‌ രാജീവൻ, സബ്. ഇൻസ്‌പെക്ടർ ബാബു ടിസി , കമ്യുണിറ്റി പോലീസ് ഓഫീസർമാരായ സുജിത്. സി, ലിൻസി. ഡ്രിൽ ഇൻസ്‌ട്രക്ടർ മണികണ്ഠൻ എ എസ് ഐ ഷൈനി, എ എസ് ഐ ഷേർലി എന്നിവർ പങ്കെടുത്തു.
കേഡറ്റുകളായ സായുജ് ടി എം പരേഡ് കമാൻഡർ ആയും, നിഹാരിക എസ് സെക്കന്റ്‌ ഇൻ കമാൻഡറുമായ പരേഡിൽ അർജുൻ ടിസി നയിച്ച ഒന്നാം പ്ലാട്ടൂനും, സാനിയ രഞ്ജിത്ത് നയിച്ച രണ്ടാം പ്ലാട്ടൂനും മികച്ച പ്രകടനം കാഴ്ച്ചവെച്ചു.
