പയ്യോളി: പുതിയ അധ്യയന വർഷം ആരംഭിക്കുന്നതിന് മുന്നോടിയായി പയ്യോളി തിക്കോടിയൻ സ്മാരക ഗവൺമെന്റ് വൊക്കേഷനൽ ഹയർ സെക്കന്ററി സ്കൂളിൽ വിപുലമായ ജനകീയ ശുചീകരണ പ്രവർത്തനം സംഘടിപ്പിച്ചു. സ്കൂൾ ക്യാമ്പസും ക്ലാസ് മുറികളും കുട്ടികൾക്കായി സുരക്ഷിതവും മനോഹരവുമായി ഒരുക്കുന്നതിന്റെ ഭാഗമായാണ് ശുചീകരണം നടത്തിയത്.
വിവിധ സന്നദ്ധ സംഘടനകൾ, സ്കൂളിലെ എൻ.സി.സി. (NCC), എസ്.പി.സി. (SPC), സ്കൗട്ട് ആൻഡ് ഗൈഡ്സ്, ജെ.ആർ.സി. (JRC) എന്നീ വിഭാഗങ്ങളിലെ വിദ്യാർത്ഥികൾ, പി.ടി.എ. അംഗങ്ങൾ, സ്കൂൾ അധ്യാപകർ, ജീവനക്കാർ, നാട്ടുകാർ എന്നിവർ ഒത്തൊരുമിച്ച് ശുചീകരണ പ്രവർത്തനങ്ങളിൽ സജീവ പങ്കാളികളായി.
