മേപ്പയ്യൂര്‍: സിവിൽ സർവീസ് പരീക്ഷയിൽ ഉന്നത വിജയം നേടിയ ശാരികയെ മേപ്പയൂർ സലഫി സ്ഥാപനങ്ങളുടെ കീഴിലുള്ള എ വി ചെയറിന്റെ ആദരം അർപ്പിക്കുന്ന ചടങ്ങിൽ കുമാരി ശാരിക പ്രദേശത്തിന്റെ അഭിമാനവും പുതു തലമുറക്ക് പ്രചോദനവും ആണെന്ന് സലഫിയ്യ അസ്സോസിയേഷൻ ജനറൽ സെക്രട്ടറി എ വി അബ്ദുല്ല അഭിപ്രായപെട്ടു.
സാമൂഹ്യ, വിദ്യാഭ്യാസ മേഖലയിൽ കഴിവ് തെളിയിക്കുന്നവരെ കണ്ടെത്തി പ്രോത്സാഹനം നൽകുന്നതിനായി പരേതനായ ജനാബ്, എ വിഅബ്ദുറഹിമാൻ ഹാജിയുടെ പേരിലുള്ള
എ വിചെയറിന്റെ ആഭിമുഖ്യത്തിൽ കീഴരിയൂരിലെ ശാരികയുടെ വസതിയിൽ നടന്ന ചടങ്ങിൽ കുമാരി ശാരികയ്ക്ക് ഫലകവും കാഷ് അവാർഡും സമ്മാനിച്ചു.
സലഫിയ്യ അസോസിയേഷൻ വൈസ് പ്രസിഡന്റ്‌ പി കെ അബ്ദുള്ള അദ്ധ്യക്ഷത വഹിച്ചു. എ കെ അബ്ദുറഹിമാൻ, കായലാട് അബ്ദുറഹിമാൻ,കെ വി അബ്ദുറഹ്മാൻ, സെക്രട്ടറിമാരായ എ പി അസീസ്, ഗുലാം മുഹമ്മദ്‌, കെ കെ കുഞ്ഞബ്ദുള്ള, അഡ്വ. പി കുഞ്ഞിമൊയ്തീൻ,
പ്രിൻസിപ്പൽമാരായ പ്രൊഫ. സി കെ ഹസ്സൻ,
ഡോ.ഇ ദിനേശൻ എന്നിവർ സംസാരിച്ചു. കുമാരി ശാരിക മറുപടി പ്രസംഗവും നടത്തി.
