കൊയിലാണ്ടി: കൊയിലാണ്ടി വൊക്കെഷണൽ ഹയർ സെക്കണ്ടറി സ്കൂളിലെ മികച്ച കായിക വിദ്യാർത്ഥിയായിരുന്ന അകാലത്തിൽ വിട പറഞ്ഞ സുദേവിൻ്റ ഓർമ്മയ്ക്കായി മാതാപിതാക്കൾ സമ്മാനിച്ച സ്പോർട്സ് ഉപകരണങ്ങൾ സ്കൂളിനു കൈമാറി.
സ്കൂൾ കായികമേളയോടനുബന്ധിച്ച് നടന്ന ചടങ്ങിൽ രക്ഷിതാക്കളായ പി.കെ.ദിനേശൻ, സുചിത്ര , പി.കെ.രമേശൻ തുടങ്ങിയവർ പി.ടി.എ.പ്രസിഡണ്ട് വി.സുചീന്ദ്രന് കൈമാറി. എച്ച്.എം.അജിതകുമാരി, പ്രിൻസിപ്പാൾ എൻ.വി.പ്രദീപൻ, ബിജേഷ് ഉപ്പാലക്കൽ, ജയരാജ് പണിക്കർ , പി .പി .സുധീർ, നവീന ടീച്ചർ, എഫ്.എം.നസീർ, വിജയൻ മാസ്റ്റർ, നാരായണൻ മാസ്റ്റർ സംബന്ധിച്ചു.
