തിക്കോടി: തിക്കോടി ഗ്രാമ പഞ്ചായത്തിൽ കോഴി വിതരണം പദ്ധതിക്ക് തുടക്കം കുറിച്ചു. ഗ്രാമപഞ്ചായത്തിന്റെ ജനകീയാസൂത്രണ പദ്ധതിയിൽ 834 ഗുണഭോക്താക്കൾക്ക് 5 വീതം മുട്ടകോഴികുഞ്ഞുങ്ങളെയാണ് നൽകുന്നത് . തിക്കോടി ഗ്രാമ പഞ്ചായത്ത് പ്രസിഡന്റ് ജമീല സമദ് ഉദ്ഘാടനം ചെയ്തു. സ്ഥിരം സമിതി ചെയർമാൻ മാരായ പ്രനില സത്യൻ, ആർ. വിശ്വൻ, മെമ്പർമാരായ ബിനു കരോളി, വിബിത, വെറ്റിനറി സർജൻ ഡോ. ഷിംജ എന്നിവർ സംസാരിച്ചു.
