മലപ്പുറം: മലപ്പുറത്ത് ഭാര്യയുടെ ആത്മഹത്യയുമായി ബന്ധപ്പെട്ട കേസില്‍ എക്‌സൈസ് ഉദ്യോഗസ്ഥൻ അറസ്റ്റിൽ. കൊല്ലം സ്വദേശി ജിൻസി കഴിഞ്ഞ മാസം 15 നാണ് മലപ്പുറം ചെമ്മങ്കടവിലെ വാടക ക്വാർട്ടേഴ്സിൽ തൂങ്ങി മരിച്ചത്. സംഭവത്തില്‍ പ്രേരണ കുറ്റം ചുമത്തി ഭർത്താവ്‌ അലക്സ് അലോഷ്യസ്നെ മലപ്പുറം പൊലീസ് അറസ്റ്റ് ചെയ്തു.
ഭർത്താവിന്റെ ഉപദ്രവം കാരണമാണ് ജിൻസി ആത്മഹത്യ ചെയ്തത് എന്നാണ് പൊലീസിന്റെ കണ്ടെത്തൽ. ഭർത്താവ്‌ അലക്സ് അലോഷ്യസ് മലപ്പുറം എക്‌സൈസ് ഡെപ്യൂട്ടി കമ്മീഷണർ ഓഫീസിൽ സിവിൽ എക്‌സൈസ് ഓഫീസർ ആണ്. ഇരുവരും കൊല്ലം ചവറ സ്വദേശികളാണ്. ഗാർഹിക പീഡനം, ആത്മഹത്യ പ്രേരണ കുറ്റങ്ങൾ ചുമത്തിയാണ് അലക്സിനെ പൊലീസ് അറസ്റ്റ് ചെയ്തത്.
