വീടിന് സമീപം പതിയിരുന്ന് വീട്ടമ്മയെ ആക്രമിക്കാൻ ശ്രമിച്ചു, കുതറിയോടി രക്ഷപ്പെട്ട് യുവതി, പൊലീസിൽ അറിയിച്ചതോടെ തമിഴ്നാട്ടിലേക്ക് മുങ്ങി, അറസ്റ്റ്

Oct 1, 2025, 9:40 am GMT+0000 payyolionline.in

തിരുവനന്തപുരം : യുവതിയെ പതിയിരുന്ന് ആക്രമിക്കാൻ ശ്രമിച്ച യുവാവിനെ പൊലീസ് പിടികൂടി. മുപ്പത്തിയഞ്ചുകാരിയെ വീടിന് സമീപത്ത് പതിയിരുന്ന് പീഡിപ്പിക്കാന്‍ ശ്രമിച്ച കള്ളിമൂട് തെക്കേക്കര തോട്ടരികത്ത് വീട്ടില്‍ അനുവിനെയാണ് (31) വെള്ളറട പൊലീസ് പിടികൂടിയത്. വീട്ടമ്മയുടെ പരാതിയിലാണ് പൊലീസ് നടപടി. കഴിഞ്ഞ ദിവസമായിരുന്നു സംഭവം. വീട്ടമ്മയുടെ വീടിന് സമീപം പതിയിരുന്ന ഇയാൾ ദേഹോപദ്രവം ചെയ്ത് പീഡിപ്പിക്കാന്‍ ശ്രമിക്കുന്നതിനിടെ കുതറി മാറിയ വീട്ടമ്മ പൊലീസിനെ വിവരം അറിയിക്കുകയായിരുന്നു. സംഭവത്തിന് പിന്നാലെ തമിഴ്നാട്ടിലേക്ക് കടക്കാന്‍ ശ്രമിച്ച പ്രതിയെ വെള്ളറട പൊലീസ് സംഘമാണ് പിടികൂടിയത്. കോടതിയില്‍ ഹാജരാക്കിയ ഇയാളെ റിമാന്‍ഡ് ചെയ്തു.

ഒക്ടോബർ 3ന് നടത്താനിരുന്ന ഭാരത് ബന്ദ് മാറ്റി, പുതിയ തീയതി പിന്നീട് അറിയിക്കും 400 വർഷം പഴക്കമുള്ള തേക്ക്, 250 വർഷം പഴക്കമുള്ള ആൽ മരം; വണ്ടിത്താവളം കന്നിമാര ..