കൊല്ലം: കൊല്ലം ശ്രീ അനന്തപുരം മഹാവിഷ്ണു ക്ഷേത്രത്തിൽ അഷ്ടമിരോഹിണി വിപുലീകരിച്ച പരിപാടികളോടെ ആഘോഷിച്ചു. കാലത്ത് 5 മണിക്ക് മഹാഗണപതി ഹോമം ഭഗവതിസേവ അഖണ്ഡനാമജപം പ്രത്യേക വഴിപാടായി ഭഗവാന് പാൽപായസം കഴിപ്പിക്കുന്നതിൽ നൂറുകണക്കിന് ഭക്തർ പങ്ക് ചേർന്നു. ഉച്ചയ്ക്ക് നടന്ന പ്രസാദ ഊട്ടിൽ ആയിരങ്ങൾ പങ്കു ചേർന്നു. ഭക്തജനങ്ങളുടെ ബാഹുല്ല്യം ക്ഷേത്രത്തിലും പരിസരത്തും ഭക്തിസാന്ദ്രമായി കാണപ്പെട്ടു എന്ന് പരിപാലനസമിതി ഭാരവാഹികൾ അറിയിച്ചു.